Pinamalas ang gilas ng motorized mechanical transplanter, walk behind transplanter, at riding type mechanical transplanter sa PalaySikatan ceremonial establishment na ginanap sa Alfonso, Lista Ifugao kahapon.

Saksi ang higit 100 na magsasaka kasama na ang mga taga Roumeia Agri-tourism & Training Center Incorporated o Roumeia (ATTCI); Technical Education and Skills Development Authority (TESDA); at Ifugao State University na gustong makipagtulungan sa PalaySikatan 2.0.

Samantala, naglaan naman ang Roumeia ATTCI, sa ilalim ng TESDA, ng 25 slots para sa NCII (small engine system) training para sa PalaySikatan farmer-cooperators.

Sa PalaySikatan, dinedemo ang mga makinarya mula sa PhilMech at mga pribadong kumpanya gaya ng Guilcor Agrimac. Pinapakita rin ang iba’t-ibang katangian ng mga barayting inbred ng Rice Competitiveness Enhancement Fund (RCEF) Seed Program na itinanim gamit ang mga makinarya.

Sa mga nais makita ang palayan at 50 ektaryang demo-site ng Palaysikatan, pwedeng bumisita sa Brgy. Casili, Mallig, Isabela at Brgy. San Quintin, Alfonso Lista, Ifugao. (FB, DA-PhilRice Isabela, June 11, 2024)