Libreng certified inbred rice seeds at kaalaman sa pagpapataba ng palay ang hatid ng Rice Competitiveness Enhancement Fund (RCEF) Program sa ating mga ka-Palay sa ginanap na Seed Distribution Kick-off Ceremony at Technical Briefing sa Brgy. Upper Salug Daku, Mahayag, Zamboanga del Sur ngayong April 28, 2023.

 

Naging sentro ng talakayan ang mga benepisyo ng wastong paggamit, timing, at dami ng pataba upang makamit ang mataas na ani sa mababang gastos.

 

Dinaluhan ito ng 70 magsasaka, kabilang na ang mga kaagapay na ahensya sa pagpapatupad ng RCEF Program tulad ng Agricultural Training Institute Regional Training Center IX, Bureau of Plant Industry-National Seed Quality Control Services, Department of Agriculture-Regional Field Office IX, Philippine Center for Post Harvest Development and Mechanization, Philippine Rice Research Institute, Provincial Local Government Unit, at Local Government Unit. (FB, RCEF Extension Program)