Baynte sais ka mga mangunguma ang nakigbahin sa training nga ginahiwat sini nga semana sa PhilRice Negros. Ang ini nga training ginatawag nga Short Course on Pest and Nutrient Management kung sa diin ginatutukan sa isa ka semana ang maayu nga pagpamahala sang peste nga insekto kag masakit sa humayan kag ang insakto nga pamaagi sa paggamit sang nutrihente ukon abono.
Ang short course training on PNM gina-offer sa mga mangunguma nga nakatapos sang Farmer Field School. May 3, 2023 pa ka batch nga nabilin para sa Negros Occidental, Antique, kag Negros Oriental nga mga mangunguma.
Para sa luyag makipagbahin, makig-angot lamang sa inyo lokal nga agriculture office ukon sa farm school kung diin kamu naggraduate.
Para sa dugang nga pamangkot, magtext ukon magtawag sa PhilRice Text Center 0917-111-7423.
Ang ini nga training naupod sa RCEF Extension Services Program nga ginpunduhan sang layi sa idalum sang Republic Act 11203 ukon ang Rice Tarrification Law. Ini nga buluhatun gahandum nga mapasaka ang tubas sang mangunguma samtang ginapanubo ang ila nga gasto. (FB, DA-PhilRice Negros, October 17, 2023)
- Farmers taking down notes during the discussion on Integrated Nutrient Management