𝗥𝗖𝗘𝗙 𝗦𝗘𝗘𝗗 𝗣𝗥𝗢𝗚𝗥𝗔𝗠 — Programa para sa mga magsasaka ang opisyal na inilunsad ng Rice Competitiveness Enhancement Fund (RCEF) Seed Program sa ilalim ng Department of Agriculture (DA) nitong linggo sa Heroes Hall.

Aabot sa higit 100,000 na sako ng libre at dekalidad na binhi mula sa nasabing programa ang inihanda at ipinamahagi sa mga Fernandino at Kapampangan farmers kasabay ng pagbibigay ng impormasyon tungkol sa RCEF Seed Program, sa pamamagitan ng briefing para sa mga grupo ng magsasaka.

Dumalo rin at nagbigay ng mensahe si Mayor Vilma Balle-Caluag, kasama si City Agriculturist Cristina Sangumay at mga opisyal ng RCEF, na kinilala ang mahalagang papel ng mga ortelanung Fernandino (magsasaka) sa Syudad San Fernando, Pampanga at ipinangako ang patuloy pang programa ng lokal na pamahalaan upang palakasin pa ang kabuhayan ng mga pamilyang magsasaka.

Kasama sa mga binhing ibinahagi sa kick-off ceremony ang NSIC RC (National Seed Industry Council-Ratoon Crop) 543 at RC 480 na makabago at nakikitang mas maganda ang kalidad kasama pa ang mga kaalaman tungkol sa makabagong teknolohiya sa pagtatanim at pag-ani.

Inaanyayahan naman ang mga magsasaka na lumapit o magtungo sa kanilang municipal o city agricultural officers upang masali sa programa at makakuha ng libring binhi. Sa Syudad San Fernando, handang umantabay ang City Agriculture and Veterinary Office. |

 𝙍𝘾𝙀𝙁, 𝘾𝙄𝙊-𝙋𝘾𝙈, 𝙍𝙈𝙈, 𝙎𝘿𝙇 May 2, 2024

Distribution at Asipulo, Ifugao….

 

Pormal nang sinimulan ang distribusyon ng mga binhi sa bayan ng Asipulo, Ifugao, kasabay ng kauna-unahang 2024 wet season RCEF Kick-Off Ceremony and Program Briefing na isinagawa rin sa nasabing bayan kahapon.

 

Sa nasabing seremonya, mas naunawaan ng mga ka-Palay ang iba’t-ibang component ng RCEF program at nabigyan sila ng mga kaalamang pagpapalay sa pamamagitan ng isang briefing.

 

Kasama sa higit na 100 magsasakang dumalo ang mga barangay at municipal officials, representatives mula sa iba’t-ibang munisipyo sa Ifugao na pinangunahan nina Municipal Agriculturist ng Asipulo Tabert Tayaban at Provincial Agriculturist Mariano. Dumalo rin sa aktibidad ang mga partners mula sa Landbank Solano, Nueva Vizcaya.

 

Samantala, tuloy-tuloy pa rin ang delivery at distribusyon ng mga binhi sa lambak ng Cagayan at Cordillera region para ngayong taniman ng tag-ulan.

(FB, DA-PhilRice Isabela, May 1, 2024)