‘Walk-your-Talk’ si Ka-Palay Froilan mula sa Ubay, Bohol

“Bumaba ang gastos at tumaas ang ani ko sa pagsunod sa rekomendadong pamamaraan sa pagsasaka kaya nais kong maibahagi din ito sa kapwa ko magsasaka.”

Isa si Sir Froilan Bersano sa 29 na AEWs at farm school trainers na nakapagtapos ng RCEF Training of Trainers on the Production of High-quality Inbred Rice and Seeds, and Farm Mechanization na ginanap sa Ubay, Bohol.

Bilang matagal nang nagtitrain sa mga magsasaka, si Sir Froilan ang nakakuha ng pinakamataas na puntos sa pre-test na ginanap sa pagsasanay.

Sa ngayon, naka-training na siya ng 725 na magsasaka mula 2021.
Dahil sa pagsunod niya sa kung ano ang kaniyang tinuturo, tumaas ng 44% ang kaniyang ani at bumaba ng 28% ang kaniyang gastos. Pagbabago sa pamamaraan ng pag-abono at pamamahala ng peste ang nakikita niyang dahilan sa pagbago ng kaniyang buhay pagsasaka.

Sa napatunayang epektibong pamamaraan ng pagsasaka na tinuturo sa training, hinahangad ni Sir Froilan na makasali sa mga bagong pagsasanay para maging updated pa lalo ang kaniyang kaalaman.

“Alam kong marami pa akong matututunan mula sa resource speakers. Detalyado sila kung magturo.” Ika ni Sir Froilan. Dugtong niya, malaki ang paghanga niya sa mga resource speakers ng RCEF Training dahil nasasagot nila ang kaniyang mga tanong na nakakatulong sa kanilang palayan. Masaya siyang naipapasa ang kaniyang kaalaman sa kaniyang kapwa magsasaka.

Para sa mga katanungan tungkol sa pagpapalay, magtext o tumawag sa PhilRice Text Center 0917-111-7423 (FB, DA-PhilRice Negros, June 26, 2024)